Dugolli flet me siguri: S’do të ketë konfrontim mes Kosovës dhe KFOR-it
Enver Dugolli, deputet i VV-së, ka folur rreth çështjes së hapjes së Urës së Ibrit.
Në një intervistë për Kosovapress, Dugolli tha se ura është ndërtuar për t’i bashkuar dy brigjet dhe jo për t’i ndarë njerëzit.
Tutje, Dugolli ka thënë se nuk ka rrezik të tensionimit të situatës.
“Nuk ka rrezik për tensionim të situatës, sepse një gjë e tillë qytetarët po e vërejnë. Në asnjë variant, në asnjë moment nuk do të ketë konfrontim të Policisë së Kosovës, të shtetit të Kosovës me KFOR-in, sepse i konsiderojmë dhe i kemi miq, janë forca mike, të cilat kanë ardhur me një mision dhe jemi duke bashkëpunuar me ta” – tha Dugolli për KP-në.
