Didier Drogba: S'e kam ndërruar fenë, thjesht po lutesha me vëllezërit e mi myslimanë

Legjenda e Chelseas, Didier Drogba ka reaguar së fundmi lidhur me raportimet e shumta që thoshin se është konvertuar në islam.

Drogba postoi disa foto duke u lutur dhe pastaj filluan spekulimet se është konvertuar në fenë islame.

Sidoqoftë, së fundmi, lojtari ka treguar që nuk e ka ndryshuar fenë, thjesht ishte duke treguar respekt për vëllezërit e tij myslimanë.

"Kjo është duke u bërë virale, por nuk e kam ndryshuar fenë. Isha vetëm unë duke treguar respekt për vëllezërit e mi myslimanë që po i vizitoja në fshat".

"Një moment bashkimi. Shumë dashuri dhe uroj më të mirat për të gjithë", shkroi ai.