Cramon i replikon Vuçiqit pasi e krahasoi me “naziztët gjermanë”: Për keqardhje, tregon dobësinë e regjimit autokratik të tij

Politikanja gjermane njëherit edhe Raportuese për Kosovën në Parlamentin Evropian, Viola von Cramon, i ka reaguar Presidentit të Serbisë, Aleksandar Vuçiq, pasi ky i fundit në televizionin skajshmërisht propagandistik “Tv Prva” e krahasoi politikanen gjermane me “nazistët e vitit 1943”.

Cramon e cila njihet për kritike e madhe e regjimit të Beogradit, i ka reaguar Vuçiqit duke e quajtur “për keqardhje” vlerësimin e tij teksa shtoi se “qytetarët e Serbisë meritojnë më mirë” se sa një president si Vuçiqi.

“Aleksandar Vuçiq e di mirë që unë jam mikja më e madhe e një Serbia demokratike. Prandaj, gjithkush që i kontribuon demokratizimit të Serbisë dhe afrimit të saj drejt Bashkimit Evropian është i mirëseardhur në Parlamentin Evropian. Duke më krahasuar me mua me nazistët e vitit 1943 ai tregon dobësinë e regjimit autokratik të tij. Është për keqardhje. Qytetarët e Serbisë meritojnë më mirë”, ka shkruar Viola von Cramon në platformën e saj në “X”.