Cramon i kërkon BE-së “vëmendje” ndaj pasivizimit sistematik të adresave të shqiptarëve në Luginë të Preshevës

Bashkimi Evropian nuk po i kushton vëmendjen e nevojshme pasivizimit të adresave të shqiptarëve në Luginën e Preshevës, ka shkruar Raportuesja për Kosovën në Parlamentin Evropian, Viola von Cramon, teksa ka shpërndarë edhe një artikull të “Tagesspiegel” ku shkruhet për spastrimin etnik të shqiptarëve nga zonat me shumicë shqiptare në Serbi.

“Një artikul që ia vlen të lexohet mbi ‘pasivizimin’ sistematik të popullatës shqiptare në Serbinë jugorre, Luginën e Preshevës. Flora Ferati ka qenë duke hulumtuar dhe shkruar për diskriminim qeveritar kundër pakicës shqiptare për një kohë të gjatë”, ka shkruar Viola von Cramon në “X”.