Çmimet e prodhimeve blegtorale u rriten 4,9% në fund të vitit 2025

Agjencia e Statistikave të Kosovës ka publikuar Indeksin e Çmimeve të Prodhimeve dhe Çmimet në Bujqësi për tremujorin e katërt 2025. Sipas Indeksit, çmimet mesatare të prodhimeve bujqësore në tërësi janë rritur me 1,2% krahasuar me të njëjtën periudhë të vitit 2024.

Prodhimet blegtorale shënuan rritje të ndjeshme prej 4,9% (nga 150,7 në 158,0), ndërsa prodhimet bimore shënuan rënie të lehtë prej -0,8% (nga 147,9 në 146,7).