Clinton shkruan fjalë të mëdha për vizitën në Shqipëri: Pashë të ardhmen në një vend që e kaluara mund ta kishte vrarë
Ish-presidenti amerikan Bill Clinton ka postuar në llogarinë e tij në Twitter në lidhje me vizitën e tij në Republikën e Shqipërisë.
Clinton ka shpërndarë një video të shoqëruar me një shkrim të shkurtër ku lavdëron Shqipërinë.
“Gjatë konfliktit në Kosovë, Shqipëria ndihmoi që humaniteti të mbizotëronte – duke marrë gati gjysmë milioni refugjatë dhe duke shërbyer si partner vital për paqe,” – tha z. Clinton në adresimin e tij.
Ai ndau edhe një pjesë nga fjalimi i tij i mbajtur në Tiranë.
“Sot më dhatë një dhuratë të madhe. Më të madhe se vetë nderi. Më latë të shihja të ardhmen duke bërë punën e saj në një vend të cilin e kaluara mund ta kishte vrarë.” – thotë ai në një ndër fjalitë e ndara.
Postimi i plotë:
During the Kosovo conflict, Albania helped humanity prevail — taking in nearly half a million refugees and serving as a vital partner for peace. Last week, I had the honor of celebrating the bonds of friendship between our two countries and seeing what’s possible when people… pic.twitter.com/GTTxCIG4Un
— Bill Clinton (@BillClinton) July 9, 2023
