Çitaku – Kurtit, për “anashkalimin” e ambasadorit në Vatikan: Katrahurë, joseriozitet, turp
Një pjesëmarrje e Kryetarit të Vetëvendosjes, Albin Kurtit, në një koncert në Selinë e Shenjtë, ka zgjuar reagimin e diplomatit kosovar në Vatikan, i cili përmes një komenti bëri të ditur se është anashkaluar.
Vlora Çitaku e Partisë Demokratike të Kosovës e quajti “katrahurë, joseriozitet dhe turp”.
Postimi i plotë:
Çfarë katrahure, çfarë jo serioziteti, çfarë turpi.
Në një organizim në Vatikan, anashkalohet dhe përbuzet Ambasadori i Kosovës në Selinë e Shenjtë. Ky anashkalim i misionit diplomatik është në kundërshtim me çdo praktikë shtetërore dhe protokolare.
Ndërkohë, Martin Berishaj, me afera korruptive multimilionëshe, mbetet i përkdheluri i Kurtit. Ai, jo vetëm që vazhdon të jetë ambasador fuqiplotë, por shihet përkrah liderit suprem kudo.
Martini, njëjtë si Rozeta, Nagipi dhe të tjerët, vazhdojnë të kenë mbrojtjen e pakushtëzuar të Kurtit.
A thua pse?
