Britania e regjistron ditën më të nxehtë të vitit deri më tani – 38,1 gradë

Zyra e Meteorologjisë e Britanisë së Madhe njoftoi se temperatura në këtë shtet të enjten shkoi në 38,1 gradë.

Kjo është temperatura më e lartë deri më tani këtë vit në shtetin ishullor, raporton televizioni BBC.

Megjithatë, është hera e dytë që këtë vit arrihet temperatura prej 38 gradësh. Për herë të parë u arrit në Norfolk më 26 qershor.

Hera e vetme që një temperaturë kaq e lartë është regjistruar dy herë brenda një viti ishte në vitin 2022.

Në përgjithësi, temperatura e regjistruar të enjten është e pesta në mesin e më të lartave që janë regjistruar ndonjëherë në Mbretërinë e Bashkuar.

Dita më e nxehtë ishte 19 korriku i vitit 2022, kur në Lincolnshire ishte regjistruar temperatura 40,3 gradë.