BNE e nisin për mrekulli aventurën në Brazil, fitojnë sfidën e parë ndaj "00Nation"

Bad News Eagles e kanë nisur për mrekulli aventurën në IEM Rio Major 2022, që po mbahet në Brazil.

Djelmoshat kosovarë fituan sfidën e parë në "Challenger Stage", duke mposhtur skuadrën braziliane, "00Nation".

Ndeshja ishte e zhvilluar vetëm në një map, atë "De_Vertigo" që nuk është i preferuari për kosovarët, por arritën të fitojnë mjaftë bindshëm me rezultat 16:3.

Në pjesën e parë, BNE e mbyllen me epërsi të lartë prej 12:3, derisa pastaj u treguan edhe më të mirë me rezultat 4:0 për të arritur fitoren e parë.

Për BNE tani kjo është fitorja e parë dhe kanë nevojë edhe për dy të tjera që të mbërrijnë në fazën tjetër, atë të "Legends Stage". Gjithashtu në rast të tre humbjeve atëherë do të eliminohen.