Blinken javën tjetër në Bruksel, temë diskutimi edhe Ballkani Perëndimor
Sekretari amerikan, Antony Blinken pritet që udhëtoj në Bruksel nga 27 deri më 29 nëntor, ku do të marrë pjesë në takimin e Ministrave të Jashtëm NATO-s.
DASh ka raportuar se një ndër temat e këtij takimi, do të jetë edhe situata në Ballkanin Perëndimor.
“Sekretari i Shtetit Antony J. Blinken do të udhëtojë në Bruksel, Belgjikë nga 27-29 nëntor 2023 për të marrë pjesë në Takimin e Ministrave të Jashtëm të NATO-s, duke përfshirë takimin e parë të ministrave të jashtëm të Këshillit NATO-Ukrainë”.
“Sekretari Blinken do të theksojë angazhimin e palëkundur të NATO-s ndaj Ukrainës në luftën e saj kundër agresionit rus, do të theksojë mbështetjen tonë për demokracinë dhe stabilitetin rajonal në Ballkanin Perëndimor dhe do të diskutojë prioritetet për Samitin e Uashingtonit në korrik 2024.” – thuhet në njoftim.
