Bislimi i reagon Stanos për mbajtjen e zgjedhjeve të Serbisë në Kosovë: Nuk mund të mbahen pa kërkesë zyrtare
Zëvendëskryeministri i Kosovës, Besnik Bislimi, ka reaguar ndaj deklaratës së zëdhënësit të BE-së, Peter Stano për mbajtjen e zgjedhjeve të Serbisë në Kosovë.
Bislimi ka thënë se zgjedhjet nuk mund të mbahen pa u bërë kërkesa dhe pa pasur një vendim për lejimin e tyre.
“Nuk janë planifikuar zgjedhje për këtë vit në vendin tonë. Nëse autoritetet e vendeve të tjera do të preferonin të organizonin zgjedhje në Kosovë për diasporën e tyre, ata duhet të kërkojnë zyrtarisht nga autoritetet tona një vendim dhe mbështetje pozitive.” – ka shkruar ai në rrjetin social “X”.
Ai ka thënë se përpjekja e tillë për mbajtjen e zgjedhjeve të Serbisë në Kosovës pa kërkesë “nuk është në frymën e dialogut dhe nuk kontribuon në ndërtimin e besimit”
Tutje, ai ka thënë se këtë gjë do të duhej të dinte zëdhënësi i BE-së, Peter Stano.
“Përpjekja për të organizuar zgjedhje të tilla pa një kërkesë paraprake apo vendim pozitiv, nuk është në frymën e dialogut dhe nuk kontribuon në ndërtimin e besimit. Përderisa nuk ka kërkesë të drejtpërdrejtë zyrtare, nuk mund të ketë vendim. Këtë supozohet se e dinte zoti Stano.” – ka shkruar Bislimi.
1/2 No elections are planned for this year in our country. If authorities of other countries would prefer to organize elections in Kosova for their diaspora, they need to officially ask our authorities for a positive decision & support.https://t.co/cdzlLWqq0l
— Besnik Bislimi (@BislimiBesnik) November 30, 2023
