Bërnabiq eskalon: Kurti dëshiron të nis një luftë, situata në Kosovë më seriozja deri tash
Ana Bërnabiq, kryetare e Kuvendit të Serbisë, ka folur në lidhje me situatën në veri të Kosovës.
Si gjithmonë, edhe kësaj radhe Bërnabiq e ka interpretuar situatën në Kosovë përmes toneve të ashpra.
Sipas Bërnabiqit, situata në Kosovë është më seriozja deri tash.
Tutje, ajo ka bërë një akuzë të çuditshme në drejtimt të kryeministrit të Kosovës, Albin Kurti. Bërnabiq e ka akuzuar Kurtin se dëshiron të fillojë një luftë.
“Më duket se situata është më e rënda deri tani, sepse Albin Kurti nuk ka zgjidhje tjetër apo rrugëdalje për politikën e tij, përveç provokimit të një konflikti të armatosur, pra të një lufte me Beogradin…Ai është i shtyrë plotësisht pas murit dhe kjo është mënyra e vetme e tij për të dalë” – tha Bërnabiq, transmeton Euronews.
