“Aventurat e Kurtit i paguan Kosova me Asociacion”, Molliqaj reagon për zgjedhjet e reja në veri

Kryetari i PSD-së Dardan Molliqaj ka reaguar pas verifikimit të nënshkrimeve nga KQZ në lidhje me shkarkimin e katër kryetarëve të Komunave në veri të vendit.

Sipas tij, kjo aventurë e Kurtit do të shpaguhet me Asociacion.

E plotë:

Nënshkrimet u verifikuan. Aventurave në veri po iu vjen fundi, ashtu siç e kemi paralajmëruar.

Tash ngadalë do t'i kthehemi realitetit në tryezen e dialogut, me flamuj serb në veri dhe militantë të ngopur nga era e përkohshme e shtetit aventurier.

Dallimi i vetëm është pozicioni i dobësuar dialogues karshi Serbisë, nga sanksionet dhe irritimet e aleatëve.

Aventurat e Kryeministrit i paguan Kosova në dialog me realizimin e Asociacionit.