Arrestohet një qytetar në Skenderaj, e kërcënonte vazhdimisht ish-bashkëshorten

Policia e Kosovës ka njoftuar se ka arrestuar një mashkull kosovar, pasi i njëjti nuk kishte respektuar urdhrin mbrojtjes të lëshuar nga gjykata.

Siç kuptohet nga njoftimi i Policisë, ai ka kërcënuar në vazhdimësi ish-bashkëshorten e tij.

I njëjti është dërguar në mbajtje me urdhrin e prokurorit.

“Është arrestuar i dyshuari mashkull kosovar, pasi që i njëjti nuk kishte respektuar urdhrin mbrojtës të lëshuar nga gjykata si dhe i njëjti përmes rrjeteve sociale e kishte kanosur në vazhdimësi viktimën femër kosovare (ish-bashkëshorten e tij). Pas intervistimit me vendim të prokurorit i dyshuari është dërguar në mbajtje”, thuhet në njoftim.