Antonio Rudiger ka shkuar viral për një vrapim të çmendur kur Real Madridi po avanconte 4-1

Real Madridi regjistroi fitoren e dytë nga dy ndeshje të La Ligas, të shtunën mbrëma.

Kampioni spanjoll pati vështirësi kundër Almeiras në ndeshjen e parë, por eventualisht arriti një fitore 2-1.

Kundër Celta Vigos të shtunën, gjërat ishin shumë më të lehta për Real Madridin. 'Los Blancos' regjistruan një fitore 4-1, pa Casemiron e Toni Kroosin në mesfushë, me Luka Modricin që shënoi njërin prej golave.

Karim Benzema, Vinicius Junior dhe Fede Valverde ishin realizatorët e tjerë të 'Los Blancos', me Iago Aspasin që ishte njeriu përgjegjës për golin e vetëm të Celta Vigos.

Ishte një paraqitje dominuese nga djelmoshat e Carlo Ancelottit. Aurelien Tchouameni dhe Eduardo Camavingo ishin brilantë në mesfushë, derisa ardhja e verës Antonio Rudiger ishte solid pasi zëvendësoi Dani Carvajal në minutën e 69.

Dhe ikona e Chelseat madje gjeti kohë të rikthente disa prej veprimeve të tij të kahmotshme, derisa Real Madridi po avanconte 4-1.

Gjatë një paraqitjeje të shkurtër por me plot evente, Rudiger kompletoi një vrapim impresiv me topin në këmbë, që është shndërruar në diçka të zakonshme për të në vitet e fundit.

Stili i tij i vrapimit në kohë të caktuara është gati qesharak, por shumë efektiv gjithashtu dhe Real Madridi në fakt fitoi penallti në fund të saj - momenti ka shkuar viral, jo befasisht, në rrjetet sociale.

Shikoni më poshtë pamjet e vrapimit të Rudigerit.