Amnesty International: Forcat ukrainase po rrezikojnë civilët
Amnesty International ka thënë të enjten se forcat ukrainase janë dukë shkelur ligjin ndërkombëtar dhe po rrezikojnë civilë duke ngritur baza ushtarake në zonat e banuara.
“Taktikat e mbrojtësve në asnjë mënyrë nuk justifikojnë sulmet pa dallim të Rusisë", tha grupi i të drejtave duke shtuar se disa "krime lufte" ruse, përfshirë në qytetin e Kharkiv, nuk ishin të lidhura me taktikat e ukrainasëve.
Por Amnesty listoi disa incidente kur forcat ukrainase dukej se i kishin ekspozuar civilët në rrezik në 19 qytete dhe fshatra në rajonet e Kharkiv, Donbas dhe Mykolaiv.
Sekretarja e Përgjithshme e Amnistisë, Agnes Callamard tha se:
“Ne kemi dokumentuar një model të forcave ukrainase që rrezikojnë civilët dhe shkelin ligjet e luftës kur veprojnë në zona të populluara. Të qenit në një pozicion mbrojtës nuk e përjashton ushtrinë ukrainase nga respektimi i ligjit ndërkombëtar humanitar.”
