Ambasadori suedez për vrasjen e Liridona Ademajt: Ka shumë mister, jemi duke punuar ngushtë
Ambasadori i Suedisë në Kosovë, Jonas Westerlund, ka folur në lidhje me vrasjen e Liridona Ademajt, shtetase suedeze, ku ka thënë se shteti suedez po punon ngushtë me autoritetet e Kosovës për hetimin e këtij rasti, të cilin cilësoi “mister”.
“Ne jemi duke punuar pandërprerë rreth këtij rasti së bashku me autoritetet lokale të Kosovës. Ky është një rast shumë i ndjeshëm dhe ka shumë mister rreth këtij rasti, nuk mund të them më shumë, jemi duke punuar në këtë rast bashkë me autoritetet. Por, gjithashtu dua të theksoj se kemi debatuar shumë ditëve të fundit rreth dhunës ndaj grave dhe në kampanjën “16 ditët e aktivizmit kundër dhunës ndaj grave.” – ka thënë ai, raporton RTK.
Ndër të tjera, ambasadori suedez ka folur edhe për ekstradimin e bashkëshortit të Liridona Ademajt, Naim Murseli, i cili dyshohet që ka prosositur vrasjen, ambasadori ëshyë shprehur se rasti ka ndodhur në Kosovë dhe se në këtë fazë nuk mund të bëjë komente të tjera.
Westerlund tha se është shqetësues numri i madh i rasteve të dhunës të raportuara në polici dhe se femicidi është prezent në Kosovë.
“Dua të nënvizoj se dhuna duhet të ndalet, janë më shumë se 2000 raste të raportuara nga policia për dhunën ndaj grave. Mbi 2000 raste janë shumë. Kemi 6 raste kundër femicidit dhe në Evropë 20, ku 3 raste janë gjatë vitit 2022, pra mjaft është mjaft.” – ka thënë ai.
