Ambasadori gjerman: Mirë që ministri i Kurtit po merr pjesë në diskutimet për Asociacionin në Ambasadën Amerikane
Ambasadori gjerman Jorn Rohde ka reaguar në lidhje me deklarimet e bëra nga Nënsekretari Derek Chollet npas telefonatës që kishte me kryeministrin e Kosovës, Albin Kurtin.
Chollet tregoi se kishte biseduar me kryeministrin e Kosovës për të diskutuar propozimin e Bashkimit Evropian mbi normalizimin e raporteve me Serbinë dhe për ta shtyrë Kosovën që ta pranonte atë. Po ashtu, në pjesën e dytë të postimit ai tha se kanë diskutuar “rëndësinë e karakterit multietnik të Kosovës dhe ecjen përpara me diskutimet për Asociacionin e Komunave me Shumicë Serbe në kontekstin e Dialogut, dhe nevojën që zyrtarët serbë të rikthehen në pozitat e tyre.”
Ambasadori Rohde ka shkruar se pajtohet plotësisht me fjalët e Chollet.
“Është shumë e rëndësishme të ecin përpara diskutimet për Asociacionin. Mirë që ministri Rashiq e ka konfirmuar pjesëmarrjen e tij në diskutimet e planifikuara për Asociacionin për 31 janarin...” - shkroi ai.
Statusi i plotë:
I fully agree: It is very important to move the discussion on ASM forward. Good to hear that Kosovan Minister Nenad Rasic has confirmed his participation in the planned ASM discussion on Jan 31 at the @USEmbPristina. https://t.co/wHs8OzdyzV
— Ambassador Jörn Rohde (@GermanAmbKOS) January 25, 2023
