Ambasada e Italisë në Kosovë kërkon drejtësi për sulmin në Banjskë

Në përvjetorin e dytë të ngjarjes tragjike në Banjskë, Ambasada e Italisë në Kosovë ka kujtuar sulmin e armatosur të 24 shtatorit 2023, ku humbi jetën rreshteri i Policisë së Kosovës, Afrim Bunjaku.

Në deklaratën e saj, ambasada thekson se autorët e këtij akti kriminal duhet të mbajnë përgjegjësi përpara drejtësisë dhe nënvizon se krimet e tilla nuk duhet të mbeten të pandëshkuara.

“Janë bërë dy vjet nga sulmi kriminal në Banjskë dhe nga vrasja tragjike e rreshterit policor Afrim Bunjaku. Drejtësia duhet të triumfojë, autorët duhet të përgjigjen për krimet e tyre”, thuhet në reagim.