Aksident në autostradën që lidh Veternikun me Fushë-Kosovën, tre të lënduar

Tre persona kanë mbetur të lënduar pas një aksidenti në autostradën që lidh lagjen Veternik me Fushë-Kosovën.

Lajmin e ka konfirmuar zëdhënësi i Policisë për rajonin e Prishtinës, Bajram Krasniqi.

“Aksidenti ka ndodhur në autostradën në segmentin Veternik-Bresje. Në aksident janë përfshirë tri vetura dhe si pasojë tre persona kanë kërkuar ndihmë mjekësorë”, ka thënë ai.

Për shkak të këtij aksidenti, janë krijuar kolona të gjata të automjeteve.