AAK për takimin e ardhshëm të Kurtit me palën serbe: Të ndiqet agjenda e marrëveshjes finale me Serbinë
Para takimit të kryeministrit Albin Kurti me palën serbe në Bruksel, sot është takuar Kryesia e Aleancës për Ardhmërinë e Kosovës (AAK).
Kryetari i Aleancës për Ardhmërinë e Kosovës (AAK), Ramush Haradinaj, tha se Kryesia e kësaj partie është mbledhur sot, para takimit që kryeministri Albin Kurti do të zhvillojë me palën serbe në Bruksel.
Sipas njoftimit të Haradinajt, Presidenca ka kërkuar që të mos ketë kthim prapa në konferencën e ardhshme në Bruksel.
Thirrja e partisë së tretë më të madhe opozitare është që marrëveshja përfundimtare të jetë primare dhe se problemet teknike nuk duhet të debatohen.
“Në mbledhjen e sotme të Kryesisë së Aleancës për Ardhmërinë e Kosovës, është kërkuar vazhdimi i agjendës së dakorduar me Sekretarin e Shtetit Antony Blinken, drejt përmbylljes së dialogut për njohje reciproke me Serbinë. Po ashtu Kryesia e Aleancës, ka kërkuar nga qeveria e vendit, që në takimin e radhës në Bruksel, të mos ketë kthim prapa, e të mos diskutohet për çështje teknike, por të ndiqet agjenda e marrëveshjes finale me Serbinë”, thuhet ne postim.
