3 vjet pasi përfundoi konkursi, qeveria e voton sekretarin në Ministrinë e Zhvillimit Rajonal

Qeveria e Kosovës në mbledhjen e sotme e ka votuar sekretarin në Ministrinë e Zhvillimit Rajonal.

Në këtë pozitë u votua kandidati Besim Kamberaj.

Megjithatë, çka e bën më të çuditshëm këtë votim, është fakti se konkursi për pozitën e sekretarit në këtë ministri, ishte përfunduar në tetor të vitit 2021.

Pra, 3 vjet pasi u përmbyll konkursi, qeveria e përzgjodhi kandidatin më të mirë.

Kamberaj ishte vlersuar me 78.26 pikë, 1 më shumë se kandidati i dytë.