Seriali i ri në Netflix, 'Physical 100' po quhet më i mirë se 'Squid Game'
Një spektakël realiteti jug-korean tash është i disponueshëm në Netflix dhe fansat po thonë se seriali është më i mirë se Squid Game.
Seriali, spektakël realiteti, Physical 100 vendos atletë elitarë kundër njëri-tjetrit në disa sfida komplekse për një çmim prej 236 mijë dollarëve, në një stil të ngjashëm me atë në një dramë vdekjeprurëse.
Sidoqoftë, fansat e TV-së koreane po e krahasojnë këtë serial me trillerin fiktiv Squid Game, derisa garuesit literalisht luftojnë për një çmim.
Ka shkaktuar kaq shumë reagime sa që Physical 100 shpejt është ngritur në listën e shikueshmërisë së Netflix, duke u bërë seriali më i shikuar në Britaninë e Madhe këtë javë.
Seriali i Netflixit ka fituar një kult fansash prej kur ishte publikuar më 24 janar - me shumë sfidat interesante që e bëjnë shumë atraktiv të shikohet.
I etiketuar si Squid Game i "jetës reale", në të marrin pjesë luftëtarë të MMA, mundës dhe boksierë, derisa luftojnë për të mbijetuar.
Derisa askush nuk vritet në fund, siç ndodh te Suqid Game kur dështojnë të kompletojnë një sfidë, Physical 100 prapë dhuron momente spektakolare lufte mes garuesve në arenën gjigante.
Fansat në rrjetet sociale kanë shprehur ngazëllimin e tyre në rrjetet sociale, para se të shfaqet episodi i fundit më 21 shkurt, kur edhe fituesi do ta fitojë shumën marramendëse.
Duke shpërndarë klipe nga seriali, një fans shkroi në Twitter: "Ajo çka është çmenduri për lajmin e spektaklit realitet të Suqid Game është se Korea e Jugut tashmë e ka bërë një spektakël realiteti më të mirë se Squid Game të quajtur Physical 100."
Sidoqoftë, shikuesit janë shokuar me çmimin e ulët të fituesit pasi e konvertuan vlerën në funta britanikë dhe dollarë amerikanë.
Një fans i shokuar shkroi: "Um, ky spektakël po i bënë njerëzit të bëjnë diçka të quajtur 'ndeshja e vdekjes një kundër një' pa mbrojtje në gojë dhe kokë!
"Dhe ka barriera metalike rreth arenës. A do të vdes ndokush në spektakël? Dhe çmimi është ekuivalent me $23,000 USD.”
Në dollarë amerikanë, fondi i çmimit do të ishte afërsisht i barabartë me 236,450 dollarë dhe në paund britanik, fondi i çmimit prej 300 milionë dollarësh do të ishte rreth 196,000 £.
Ndërsa shumë mund të tundohen nga kjo, një shikues mendoi se nuk ishte e mjaftueshme për atletët që punojnë shumë.
“Duhet të kishit krijuar një grup çmimesh prej miliardë dollarësh në mënyrë që ne të merrnim versionin më të mirë amerikan të Physical 100”, shkruan ata në Twitter, teksa etiketonin miliarderin Elon Musk në postim.
