Eurovizion 2023 do të mbahet në Liverpool
Liverpool është vendi i zgjedhur për të pritur festivalin evropian të këngës, Eurovizion 2023.
Shtëpia e The Beatles, Frankie Goes to Hollywood dhe The Wombats do të organizojnë ngjarjen spektakolare majin e ardhshëm. Ndërsa, shfaqja vjen në Mbretërinë e Bashkuar pasi fituesja e këtij viti, Ukraina, nuk ishte në gjendje të merrte detyrat e pritësit për shkak të luftës dhe vendi i dytë fitues ishte Britania e Madhe me Sam Ryder.
Zyrtarët e Liverpool-it thanë se ngjarja që do të zhvillohet në M&S Bank Arena me kapacitet 11,000 vende, do të mbahet "në emër të Ukrainës".
Njoftimi i së premtes erdhi pas një procesi tenderues të kontestuar ashpër, i cili pa 20 qytete të mundshme pritëse.
Vendi i preferuar i prezantuesve ka qenë Glasgow, por do të jetë Liverpool ai që mund të presë mijëra vizitorë dhe të marrë një pjesë të vëmendjes globale në maj.
Historia e pasur muzikore e qytetit tashmë tërheq qindra mijëra turistë muzikorë çdo vit, dhe ngjarjet kryesore të tij të kaluara kanë përfshirë MTV Europe Music Awards në 2008.
Në të kaluarën, Mbretëria e Bashkuar ka pritur tetë herë Eurovizionin, hera e fundit në 1998 në Birmingham, por 2023 do të jetë hera e parë që festivali do të zhvillohet në Liverpool.
