Zelenskyy planifikon sulme të reja në thellësi të Rusisë
Pas një takimi me gjeneralin kryesor të Ukrainës, Oleksandr Syrsky, presidenti ukrainas Volodymyr Zelenskyy tha se forcat e vendit të tij po planifikojnë sulme të reja në brendësi të Rusisë.
Në një postim në X, udhëheqësi ukrainas shkroi:
“Analizuam në detaje situatën në drejtimin e Zaporizhias dhe synimet e armikut. Po ashtu, situatën në zonat kufitare të rajoneve Sumy dhe Kharkiv.
Do të vazhdojmë operacionet tona aktive pikërisht në mënyrën që i nevojitet mbrojtjes së Ukrainës. Forcat dhe resurset janë të përgatitura. Janë planifikuar gjithashtu sulme të reja të thella.”
Rusia ndërmori një sulm vdekjeprurës në të gjithë Ukrainën gjatë natës së së shtunës, kur një ndërtesë banimi pesëkatëshe u godit në Zaporizhzhia, shkroi The Guardian.
Në postimin e tij në X, Zelenskyy tha se ushtria ruse po “përqendron përpjekjet më të mëdha” në Pokrovsk, një nyje logjistike me rëndësi strategjike dhe qytet minierash në lindje të Ukrainës, që dikur konsiderohej vendi më i sigurt në Donbas.
Zelenskyy tha se Rusia po pëson humbje të rënda në zonë dhe pretendoi se, në total, mbi 290,000 ushtarë rusë janë vrarë ose plagosur rëndë në luftime përgjatë vijës së frontit që nga fillimi i vitit.
