Ushtria izraelite kryen sulm në portin Hodeidah të Jemenit
Ushtria izraelite e sulmoi të martën portin e Jemenit në Detin e Kuq, Hodeidah, raportoi televizioni “Al Masirah”, i lidhur me rebelët Houthi.
Sulmi ndodhi disa orë pasi Izraeli lëshoi një urdhër evakuimi për këtë port, raporton agjencia e lajmeve “Reuters”.
Zëdhënësi ushtarak i grupit Houthi, Yahya Saree, tha se sistemet e mbrojtjes ajrore po merren me aeroplanët izraelitë që po i kryejnë sulmet.
Grupi Houthi, lëvizje politike dhe ushtarake që i ka nën kontroll pjesët më të populluara të Jemenit, kanë sulmuar anije në Detin e Kuq në atë që ata e përshkruajnë si solidarizim me palestinezët në Gaza.
Ata gjithashtu kanë hedhur raketa drejt Izraelit, shumica prej të cilave janë penguar. Izraeli është kundërpërgjigjur me sulme në zonat e Jemenit që kontrollohen nga lëvizja Houthi, përfshirë portin jetik.
Në Gaza, Izraeli ka nisur një sulm tokësor që e kishte paralajmëruar për një kohë të gjatë ndaj Qytetit Gaza. Një ministër izraelit tha të martën se “Gaza po digjet”.
