Tornado e fuqishme sjell shkatërrim në Misisipi të Amerikës, 24 viktima
Pasi një tornado vdekjeprurëse ka goditur shtetin amerikan të Misisipit, 24 persona kanë mbetur të vdekur ndërsa ende janë duke vazhduar përpjekje për kërkim-shpëtim të personave që kanë mbetur të bllokuar nën rrënoja.
CNN raporton se tornado ka shkatërruar disa zona rurale, duke shembur pemë e linja elektrike.
Përderisa edhe disa shtete jugore janë përfshirë nga një stuhi e fuqishme, në Misisipi u krijua tornado duke shkaktuar dëme katastrofike me shkatërrim të dhjetëra ndërtesave e rrotullim të makinave.
Duke folur për CNN, kryetari i qytetit të vogël Rolling Fork, ka thënë se qyteti është zhdukur.
"Qyteti im është zhdukur. Por ne jemi elastik dhe do të kthehemi,”- ësHtë shprehur Eldridge Walker.
Ai më tej ka shtuar se kishte shumë familje të prekura dhe të lënduara, dhe se gjithçka që mund të shihte ishte “shkatërrim”.
