Tetë të vdekur nga vërshimet në jug të Khersonit, sipas një zyrtari pro-rus
Edhe për pesë raste fatale është raportuar në jug të Khersonit si rezultat i vërshimeve pas shkatërrimit të digës në Kakhovka të Ukrainës, sipas një zyrtari të emëruar nga Rusia.
Rastet e reja e çojnë në tetë numrin e përgjithshëm të të vdekurve në zonën e kontrolluar nga rusët, në jug të lumit “Dnipro”, tha zyrtari Vladimir Saldo, raporton televizioni BBC.
“Fatkeqësisht ka pasoja në njerëz… Numri i tyre ka shkuar në tetë”- tha ai.
Për pesë viktima të tjera është raportuar në zonën e kontrolluar nga forcat ukrainase, në veri të lumit “Dnipro”.
Kështu, numri i përgjithshëm i të vdekurve nga vërshimet ka shkuar në 13, edhe pse organizatat humanitare kanë paralajmëruar se numri i viktimave ka gjasë që të jetë më i lartë.
