Sulm me armë në Pragë të Çekisë, raportohet për të vrarë

Policia çeke ka thënë se disa njerëz janë vrarë e disa të tjerë janë plagosur gjatë të shtënave afër një universiteti në pjesën qendrore të Pragës.

Në raportime thuhet se incidenti ndodhi në Fakultetin e Arteve të Universitetit Çarls, që ndodhet në Sheshin “Jan Palach”, raporton televizioniBBC.

Autoritetet thanë se i tërë sheshi dhe zona përreth janë mbyllur.

Policia tha se incidenti ishte duke vazhduar dhe u bëri thirrje qytetarëve që të qëndronin larg vendit të ngjarjes, në vende të mbyllura.

Universiteti Çarls ndodhet në Qytetin e Vjetër të Pragës, rreth 500 metra nga Ura e Çarlsit, e cila tërheq shumë turistë.