Shpërthime misterioze në bazat ajrore ruse, shfaqen pamjet e sulmit - NACIONALE

Shpërthime misterioze në bazat ajrore ruse, shfaqen pamjet e sulmit

1 muaj më parë

nga Lirim Krasniqi

Shpërthime misterioze ndodhën sot në dy baza ajrore ruse larg vijës së frontit, duke rritur mundësinë që Kievi të ketë gjetur një mënyrë për të synuar bombarduesit rusë me rreze të gjatë të cilët u përdorën në sulmet ndaj infrastrukturës ukrainase.

Të paktën tre persona janë vrarë dhe të tjerë janë plagosur në këto dy baza ajrore ushtarake në Rusinë perëndimore. “Një dron i paidentifikuar sulmoi një bazë ajrore në rajonin e Saratovit”, raportoi Baza.

Dy persona janë transportuar në spital dhe sipas raportimeve janë dëmtuar dy avionë. Në të njëjtën kohë, një kamion me benzinë ​​shpërtheu në një pistë në rajonin Razan, në jug të Moskës. Tre persona humbën jetën dhe pesë u plagosën.

Vladimir Putin është informuar për incidentet në rajonet Razan dhe Saratov, tha zëdhënësi i tij Dmitry Peskov. "Sigurisht. Presidenti merr rregullisht informacione për gjithçka që po ndodh nga të gjitha shërbimet përkatëse", tha Peskov. /Nacionale/

Lajme të ngjashme