Shkon në 950 numri i të vrarëve nga sulmet izraelite në Gaza
Ministria palestineze e Shëndetësisë ka thënë se ka shkuar në të paktën 950 numri i të vrarëve në Rripin e Gazës që nga fillimi i sulmeve ajrore izraelite të shtunën.
Të martën u raportua për të paktën 770 viktima në Gaza, ndërsa më parë është thënë se, në anën tjetër, të paktën 900 njerëz janë vrarë në Izrael.
Kryeministri i Izraelit, Benjamin Netanyahu, zhvilloi një bisedë telefonike me presidentin amerikan, Joe Biden, të cilin e falënderoi për mbështetjen e ofruar.
Netanyahu tha se sulmi i Hamasit është njëri prej më të këqijve ndaj hebrenjve që nga Holokausti, raporton televizioni BBC.
