Një vit nga lufta në Ukrainë, ShBA me sanksione të reja ndaj Rusisë
Shtëpia e Bardhë ka bërë të ditur se presidenti i ShBA-së Joe Biden do të takohet praktikisht me udhëheqësit e G7-ës dhe presidentin ukrainas Volodymyr Zelensky për të shënuar një vjetorin e pushtimit rus të Ukrainës dhe për të shpallur sanksione të reja ndaj atyre që ndihmojnë përpjekjet luftarake të Rusisë.
Kujtojmë se sanksionet e para ndaj Rusisë u vendosën vitin e kaluar nga grupi i G7-ës, pak orë pasi Putin nisi pushtimin në Ukrainë.
"G7 është bërë një spirancë e përgjigjes sonë të fortë dhe të bashkuar ndaj Rusisë," - është shprehur zëdhënësja e Shtëpisë së Bardhë Karine Jean-Pierre, teksa ka njoftuar se ditën e premte, udhëheqësit do të diskutojnë "si të vazhdojmë të mbështesim Ukrainën" dhe mënyrat për të rritur presionin ndaj Rusisë.
Sipas Jean-Pierre, sanksionet e reja do të përfshijnë bankat ruse, sektorët e teknologjisë dhe mbrojtjes dhe do të godasin si njerëzit ashtu edhe kompanitë e përfshira në konflik.
Ajo ka shtuar se ShBA gjithashtu do të shpallë një paketë të re ndihme ukrainase që do të përfshijë mbështetje ekonomike, të sigurisë dhe energjisë.
