Rusia po ndryshon doktrinën e sulmeve bërthamore?

Javën e kaluar, presidenti rus Vladimir Putin sugjeroi se Rusia mund të ndryshojë doktrinën e saj për përdorimin e armëve bërthamore në konflikt.

Përkatësisht, doktrina aktuale ruse lejon përdorimin e armëve bërthamore vetëm në rast të një kërcënimi ekzistencial ndaj Rusisë, pra në përgjigje të një sulmi bërthamor. Por Putin sugjeroi se kjo mund të ndryshojë, duke thënë se Moska mund të lëvizë në një doktrinë të ngjashme me atë të SHBA-së, për të cilën ai tha se lejon një sulm bërthamor që synon "çarmatimin".

Kremlini: Ky proces po zhvillohet vazhdimisht

"Nëse po flasim për një goditje që synon çarmatimin, mund të mendojmë për adoptimin e praktikave më të mira të partnerëve tanë amerikanë dhe ideve të tyre për sigurinë. Ne po mendojmë për këtë," tha Putin.

I pyetur në lidhje me këto deklarata të Vladimir Putin, zëdhënësi i tij Dmitry Peskov tha: "Nuk bëhet fjalë për disa vendime të shpejta.Bëhet fjalë për faktin se ka një proces të vazhdueshëm të të menduarit, shqyrtimit të doktrinave, analizave të rregullta nga ekspertët, i cili gjithashtu përfshin perspektiva se çfarë do të ndodhë". /Nacionale/