Roja bregdetare greke shpëton 108 emigrantë, të zhdukur edhe katër të tjerë
Autoritetet greke thanë të dielën se kanë shpëtuar 108 emigrantë nga një varkë që ishte gjetur pa timon shkaku i erërave të forta në Detin Egje.
Sipas Associated Press, ndër emigrantët e shpëtuar ishin 63 burra, 24 gra dhe 21 fëmijë, ndërsa ata kanë njoftuar autoritetet se edhe katër persona të tjerë janë zhdukur.
Mëngjesin e së dielës, ekipet e shpëtimit kishin arritur të tërheqin varkën me vela në një ishull pranë Mykonos, ku kishin transportuar edhe emigrantët.
Emigrantët kanë njoftuar se udhëtimi i tyre ka nisur nga Turqia.
Ministri i Transportit dhe Politikës së Ishullit, Ioannis Plakiotakis tha se, "edhe një herë, roja bregdetare shpëtoi jetë që rrjetet e pamëshirshme të trafikimit i kanë ekspozuar ndaj rrezikut vdekjeprurës pa masa të mbrojtjes".
Ndërkohë në një rast tjetër, edhe Maqedonia e Veriut ka njoftuar se ka zbuluar 71 emigrantë në dy operacione të ndara, duke arrestuar edhe tre burra të dyshuar për trafikim njerëzor.
