Raportohet për breshëri raketash drejt pjesës qendrore të Izraelit

Një gazeta izraelite ka raportuar se militantët palestinezë në Gaza kanë hedhur një breshëri të madhe raketash në drejtim të pjesës qendrore të Izraelit.

Gazeta “The Times of Israel” tha se në atë pjesë të vendit janë dëgjuar disa shpërthime të mëdha, mësa duket nga pengimi i raketave prej sistemit kundërajror, “Iron Dome”.

Sirenat e alarmit për sulme ajrore u lëshuan në Rishon Letzion, Ness Tziona, Yehud dhe në qytete e qyteza të tjera të asaj zone.

Nuk pati raportime të menjëhershme për goditje të drejtpërdrejta ose për persona të lënduar.