Pse po vriten kaq shumë gjeneralë dhe kolonelë rusë në Ukrainë - flet eksperti amerikan i luftës

Që nga fillimi i pushtimit, dhjetëra zyrtarë të rangut të lartë janë goditur nga snajperët ukrainas.

Të paktën 18 gjeneralë dhe kolonelë rusë janë vrarë që nga fillimi i pushtimit të Ukrainës nga Vladimir Putin më 24 shkurt. Çdo informacion që i referohet vdekjes së një komandanti të lartë ruse është befasues: Si mund të jetë e mundur që një komandant të goditet nga zjarri i armikut? Cili është gabimi i një prej ushtrive -kinse- më të fuqishme në botë?

Rusia përpiqet të fshehë komunikimet për vdekjet, por realiteti është se të paktën 18 zyrtarë të rangut të lartë u vranë snajperistat ukrainas në 50 ditët e pushtimit të përgjakshëm. I dukshëm midis tyre është Andrei Sukhovetsky, gjenerali komandues i Divizionit të 7-të. Një snajperist i dha fund jetës së tij nga një distancë prej 1500 metrave.

Eksperti i luftës John Arquilla, profesor i shquar i Analizës së Mbrojtjes në Shkollën Pasuniversitare Detare të Shteteve të Bashkuara, mendon se e ka përgjigjen. Akademiku ka vite që studion artin e luftimit dhe njeh si pak të tjerë taktikat, por edhe mangësitë.

Në një intervistë dhënë gazetarit prestigjioz Thomas Friedman të The New York Times, Arquilla argumentoi hipotezën e tij se pse kaq shumë oficerë superiorë - gjeneralë dhe kolonelë - vdiqën në fushën e betejës.

Ai fillimisht shpjegoi se një nga tiparet e garës aktuale që rusët nuk mund ta kuptonin ishte mënyra se si po luftonin ukrainasit. “Shumë e të vegjël rrahin të madhin sado i fuqishëm që është ai. Ukrainasit po veprojnë si një skuadër e armatosur me armë të zgjuara, dhe ajo është në gjendje të përçajë formacione shumë më të mëdha dhe të sulmojnë helikopterë të ngadaltë dhe të zhurmshëm e mjete tjera luftarake.

Kjo shkakton konfuzion, sidomos te oficerët më të rinj, pa përvojë në terren dhe me presionin për të vendosur se çfarë të bëni kur të fillojë shkëmbimi i zjarrit.

Rusët janë shumë më të centralizuar. Një nga arsyet që ata kanë humbur kaq shumë gjeneralë është se, në një nivel taktik, ata nuk kanë njerëz të trajnuar për të marrë ato vendime të shpejta në një përleshje zjarri, vetëm oficerët e përgjithshëm mund ta bëjnë këtë, kështu që ata duhej të shkonin në vijën e parë dhe të bënin gjëra që bëjnë në mënyrë rutinore togerët dhe rreshterët e Ushtrisë Amerikane.

Ndërkohë për Arquilla, lufta mund të zgjatet pikërisht sepse është Ukraina ajo që ofron një rezistencë të paprecedentë, e cila do të çonte në një konflikt pa një fitues të qartë dhe me viktima masive.

“Sa më shumë të zgjasin luftimet, aq më e fortë është rezistenca ukrainase, falë formave të luftës në të cilat ata janë pionierë, aq më shumë rritet rreziku i përshkallëzimit”, thotë Arquilla.

“Por Putini e ka shtyrë shoqërinë civile ruse të nënshtrohet. Dhe ushtria ruse, e turpëruar nga performanca e saj relativisht e dobët, nuk ka gjasa të kthehet kundër tij. /Nacionale/