Presidenti gjerman kritikon politikën e jashtme të SHBA-së

Presidenti gjerman Frank-Walter Steinmeier ka kritikuar ashpër politikën e jashtme të Shteteve të Bashkuara nën Donald Trumpin, duke paralajmëruar se “po ndodh shpërbërja e vlerave nga partneri ynë më i rëndësishëm, SHBA-ja, e cila në radhë të parë ndihmoi në ndërtimin e këtij rendi botëror”, shkruan The Guardian.

Në fjalimin e mbajtur mbrëmë në një ngjarje të Fondacionit Körber me rastin e 70-vjetorit të tij, Steinmeier tha se sjellja e SHBA-së përfaqëson një çarje të dytë historike të rendit botëror, pas aneksimit të Krimesë nga Rusia dhe pushtimit të plotë të Ukrainës, raportoi Reuters.

Ai bëri thirrje që të ndërmerren më shumë veprime për të “parandaluar shndërrimin e botës në një strofull grabitësish, ku më të pamëshirshmit marrin gjithçka që duan”.

Presidenti foli gjithashtu për presionin me të cilin përballen demokracitë “si nga jashtë ashtu edhe nga brenda”, veçanërisht nga narrativat autoritare dhe nacionaliste, si dhe nga diskursi publik “agresiv”.