Pelosi takohet me presidentin e Ukrainës në Kiev
Kryetarja e Dhomës së Përfaqësuesve të SHBA-së, Nancy Pelosi është takuar me presidentin e Ukrainës gjatë një vizite në kryeqytetin, Kiev.
Pelosi, e dyta për nga pozita pas presidentit dhe zëvendëspresidentit, është liderja më e lartë amerikane që viziton Ukrainën që nga fillimi i luftës dhe vizita e saj shënon një shfaqje të madhe të mbështetjes së vazhdueshme për luftën e vendit kundër Rusisë.
Pamjet e publikuara herët të dielën nga zyra e Presidentit Volodymyr Zelenskyy treguan Pelosin në Kiev me një delegacion të Kongresit duke përfshirë Jason Crow, Jim McGovern dhe Adam Schiff.
Zelenskyy e përshëndeti delegacionin jashtë përpara se ata të hynin në një sallë takimi ku tha: "Jam mirënjohës ndaj jush për këtë shenjë mbështetjeje të fortë nga Shtetet e Bashkuara, populli dhe Kongresi - mbështetje dypartiake".
“Kjo tregon se Shtetet e Bashkuara sot janë një lider në mbështetje të fortë për Ukrainën gjatë luftës kundër agresionit të Federatës Ruse”, tha Zelenskyy.
“Ne jemi në kufirin e lirisë dhe lufta juaj është një luftë për të gjithë. Angazhimi ynë është që të jemi aty për ju derisa të përfundojë lufta”, shtoi Pelosi.
Vizita nuk ishte paralajmëruar më herët.
Зустріч зі спікером Палати представників Конгресу США @SpeakerPelosi в Києві. Сполучені Штати є лідером потужної підтримки України в боротьбі з агресією РФ. Дякуємо, що допомагаєте захищати суверенітет і територіальну цілісність нашої держави! pic.twitter.com/QXSBPFoGQh
— Володимир Зеленський (@ZelenskyyUa) May 1, 2022
