Partitë në pushtet në Itali të ndara sa i përket pagës minimale
Partitë në pushtet janë të ndara rreth vendosjes së një page minimale statutore në përgjigje të inflacionit në rritje, ndërsa negociatat mbi Direktivën e BE-së mbi pagat minimale të përshtatshme po hyjnë në raundin përfundimtar.
Italia, ashtu sikurse Suedia, Finlanda, Danimarka, Qiproja dhe Austria, nuk kanë pagë minimale të rregulluar me ligj.
Një projekt-ligj që paraqet pagën minimale statutore është aktualisht në Senat. Ndërkohë, Bundestagu gjerman vendosi më 3 qershor të rrisë pagën minimale nga 9,82 euro në 12 euro në orë, duke filluar nga tetori.
"Për pagën minimale, unë shoh hapje pozitive nga të gjitha anët", ka thënë ministri i punës, Andrea Orlando i cili ka bërë thirrje për "veprim të menjëhershëm për të përfshirë me ligj pagën minimale" në vend. Sipas saj, një masë e tillë do të mbështeste familjet me të ardhura më të ulëta gjatë rritjes së inflacionit.
Megjithatë, partitë në pushtet mbeten të ndara për këtë çështje.
"Paga minimale shkon kundër historisë sonë kulturore të marrëdhënieve industriale," tha Renato Brunetta, ministër i administratës publike dhe anëtar i partisë së krahut të djathtë Forza Italia, në Festivalin Ekonomik të Trentos. Sipas tij, pagat “duhet të korrespondojnë me produktivitetin”.
Megjithatë, Partia Demokratike në pushtet dhe Lëvizja Pesë Yjet mbështesin masën.
“Duhet ta miratojmë pagën minimale. Këto janë paga të urisë”, tha udhëheqësi i Lëvizjes Pesë Yje, Giuseppe Conte në përgjigje të komenteve të Brunetta-s.
