Papa i ri është amerikani Robert Prevost
Robert Francis Prevost, është emri i Papës së ri që u zgjedh sot.
Kjo u konfirmua teksa ai doli në Ballkonin në Vatikan.
Ai do të njihet me emrin Papa Leo XIV.
Kjo erdhi pas tymit të bardhë që doli pak minuta më parë.
"Paqja qoftë me të gjithë ju", ishin fjalët e para të Papës së ri.
Ai falënderoi të gjithë kardinalët që e zgjodhën, dhe bëri thirrje për besimtarët që të ecin pa frikë dhe të bashkuar.
I lumtur me zgjedhjen e tij është shprehur edhe presidenti i Amerikës, Donald Trump.
Kardinali Robert Prevost, 69 vjeç, është një amerikan që e ka kaluar pjesën më të madhe të karrierës së tij si misionar në Peru.
I bërë kardinal nga Papa Françesku në vitin 2023, ai ka dhënë pak intervista për median dhe rrallë flet në publik.
Me origjinë nga Çikago, ai ka tërhequr interesin e kolegëve të tij për shkak të stilit të tij të qetë.
Françesku e solli atë në Romë atë vit për të drejtuar zyrën e Vatikanit përgjegjëse për zgjedhjen e priftërinjve që duhet të shërbejnë si peshkopë katolikë në të gjithë globin, që do të thotë se ai ka pasur një dorë në përzgjedhjen e shumë peshkopëve të botës.
Prevost tha gjatë një konference për shtyp në Vatikan në vitin 2023: "Puna jonë është të zgjerojmë tendën dhe t'u bëjmë të ditur të gjithëve se janë të mirëpritur brenda Kishës."
