Një organizatë spanjolle thotë se ka shpëtuar 117 emigrantë që po lundronin nga Libia
Organizata bamirëse spanjolle, “Open Arms”, tha se shpëtoi 117 emigrantë të shtunën në një barkë druri të pasigurt nga Libia.
Tragjedia e para disa ditëve afër Greqisë, ku vdiqën të paktën 78 persona, e ka vënë në pah përsëri vdekjen e mijëra emigrantëve për çdo vit, të cilët poi kin nga varfëria dhe konfliktet në Afrikë dhe në Lindjen e Mesme, raporton agjencia “Reuters”.
Përmes një deklarate, organizata “Open Arms” tha se të shtunën mori nga barka 117 njerëz, përfshirë 25 gra dhe një djalë 3 vjeç. Këta persona janë kryesisht nga Eritrea, Sudani dhe Libia.
Operacioni i shpëtimit u zhvillua në ujëra ndërkombëtare, 30 kilometra larg bregdetit të Libisë, pasi barka ishte larguar nga porti i Sabratha-s në errësirë në orën 1 pas mesnatës, sipas deklaratës dhe sipas një zëdhënësi të kësaj organizate.
Të gjithë pasagjerët ishin duke marrë vlerësim mjekësor në anijen e organizatës, thuhet në njoftim, pa u dhënë më shumë hollësi për vendin ku do të dërgohen emigrantët më vonë.
