Ndihma ushtarake e Kinës për Rusinë do të kishte një çmim të lartë, pretendon SHBA

Kina nuk ka bërë asgjë për të dërguar armë në Rusi për ta ndihmuar atë të pushtojë Ukrainën dhe SHBA-ja e ka bërë të qartë pas dyerve të mbyllura se një veprim i tillë (në rast të dërgimit të armëve në Ruso) do të kishte pasoja të rënda, tha këshilltari i sigurisë kombëtare të Shtëpisë së Bardhë, Jake Sullivan.

“Pekini do të duhet të vendosë vetë se si të vazhdojë, nëse do të ofrojë mbështetje ushtarake, por nëse e bën, do të ketë një kosto reale për Kinën”, tha Sullivan në një intervistë për CNN.

Kina nuk ka bërë asgjë në drejtim të ofrimit të asaj mbështetjeje, por nuk e ka përjashtuar as atë, tha Sullivan në një intervistë me ABC.

Një mesazh të ngjashëm ka dërguar edhe drejtori i CIA-s

Zyrtarët amerikanë kanë paralajmëruar homologët e tyre kinezë pas dyerve të mbyllura se cila mund të jetë kostoja, tha ai, por ai nuk pranoi të hyjë në detaje.

Drejtori i CIA-s, William Burns i dërgoi një mesazh të ngjashëm Kinës të dielën.

"Ne kemi besim se udhëheqja kineze po shqyrton dërgimin e pajisjeve ushtarake. Ne gjithashtu nuk shohim që një vendim përfundimtar është marrë ende dhe ne nuk shohim prova që në të vërtetë ka dërgesa të pajisjeve ushtarake", tha Burns për CBS. /Nacionale/