“Më lidhte dhe xhironte aktin” - Rrëfimi i tmerrshëm i viktimës për dhunim nga i frikshmi Andrew Tate
Arrestimi i influencerit të famshëm Andrew Tate nga autoritetet në Rumani nën dyshimin për trafikim të qenieve njerëzore ka vendosur sërish në qendër të vëmendjes akuzat e rënda që shumë vajza i kanë bërë kundër tij.
Dy gra i thanë “VICE World News” se ishin abuzuar dhunshëm – njëra e përdhunuar, tjetra e dhunuar në mënyrë të përsëritur – nga Andrew Tate dhe se policia e Mbretërisë së Bashkuar dhe Prokuroria e keqtrajtuan çështjen e tyre, duke e lënë atë të lirë duke marrë famë globale me mesazhe misogjene.
Policisë iu deshën katër vjet për t'ia kaluar hetimin e saj Prokurorisë derisa asnjë vendim nuk ishte ndërmarrë. Në një deklaratë të lëshuar nëpërmjet avokatit të tij në Rumani, Tate mohoi sulmin ose përdhunimin.
Policia rumune tha në fund të dhjetorit 2022, se kishte identifikuar gjashtë persona të cilët dyshohet se ishin "shfrytëzuar seksualisht" nga një "grup i organizuar kriminal" që "rekruton" viktima dhe më pas i detyron ato të kryejnë marëdhënie seksuale duke i xhiruar si materiale pornografike nëpërmjet “dhunës fizike dhe detyrimit mendor”.
Sipas një gruaje me të cilën foli “VICE World News”, të cilën ata e quajnë "Sally", Tate përdori një metodë të ngjashme të kontrollit emocional dhe fizik në biznesin e tij të kamerave në Mbretërinë e Bashkuar në vitin 2015, përpara se të zhvendosej në Rumani, por CPS nuk pranoi të ndiqte penalisht rast.
“Kur pashë që ai u arrestua në Rumani u trondita dhe nuk dija si të reagoja. Unë qava. Gjithçka që lexova është ajo që i thashë policisë [në momentin e ankesës] "tha Sally.
“VICE World News” po fsheh identitetin e gruas për të parandaluar ngacmimet dhe trolling nga mbështetësit e Tate.
