Koreja e Veriut lëshon raketë balistike në Detin e Japonisë
Qeveria japoneze ka njoftuar se Koreja e Veriut ka lëshuar një raketë balistike ndërkontinentale (ICBM).
Ministria e Mbrojtjes së vendit ka konfirmuar se raketa e hedhur të shtunën, ka fluturuar për 66 minuta dhe ka rënë në Detin e Japonisë.
Ky veprim vjen pasi Pheniani ka treguar fuqinë masive ushtarake në një paradë të mbajtur së fundmi, ku përfshiheshin dhjetëra raketa të tilla.
Vetëm një ditë më parë, Koreja e Veriut kërcënoi se do të ketë një hakmarrje "të paprecedentë të fortë" ndaj çdo stërvitje ushtarake midis Koresë së Jugut dhe ShBA-së.
Sipas kryeministrit japonez, raketa e së shtunës, e cila është e para që lëshohet që nga dita e vitit të ri, ka rënë poshtë në perëndim të Hokkaido, në zonën ekskluzive ekonomike të Japonisë (EEZ).
Programet e raketave balistike dhe armëve bërthamore të Koresë së Veriut janë të ndaluara nga Këshilli i Sigurimit i OKB-së, megjithatë kjo nuk e ka ndaluar Phenianin që të vazhdojë me zhvillimin e armëve dhe të mbajë parada të hollësishme ushtarake për t'i treguar ato.
Pak më shumë se një javë më parë, Pheniani tregoi shfaqjen më të madhe ndonjëherë të raketave balistike ndërkontinentale në një paradë ushtarake të mesnatës, ku mori pjesë edhe lideri Kim Jong-un.
