“Konfrontimi Iran-Izrael nuk ka përfunduar”: Flet ministri izraelit i mbrojtjes
Ministri i Mbrojtjes në Izrael, Yoav Gallant, ka thënë se konflikti me Iranin nuk ka përfunduar ende.
"Shteti i Izraelit u sulmua me qindra raketa dhe [mjete ajrore pa pilot], dhe [Forcat e Mbrojtjes së Izraelit] e penguan këtë sulm në një mënyrë mbresëlënëse," tha Gallant, raporton Nacionale.
Ministri i Mbrojtjes theksoi se Izraeli "duhet të jetë i përgatitur për çdo skenar".
"Së bashku me Shtetet e Bashkuara dhe partnerë shtesë, ne arritëm të mbronim territorin e shtetit të Izraelit," vazhdoi Gallant. "U shkaktuan shumë pak dëme - ky është rezultat i operacioneve mbresëlënëse të IDF."
Të shtunën në mbrëmje, Netanyahu iu drejtua qytetarëve të Izraelit, duke deklaruar se Izraeli është përgatitur për një sulm të drejtpërdrejtë nga Irani dhe është i gatshëm për "çdo skenar, si në mbrojtje ashtu edhe në sulm".
