Izraeli sulmon Rafahun, nuk pajtohet me kërkesën e GJND-së që të ndalojë ofensivën
Izraeli ka bombarduar Rripin e Gazës, përfshirë Rafahun, të shtunën, pavarësisht një urdhri nga gjykata e lartë e OKB-së për të "ndërprerë menjëherë" ofensivën e tij ushtarake në qytetin jugor, raporton gazeta e njohur britanike, “The Guardian”.
Gjykata Ndërkombëtare e Drejtësisë urdhëroi Izraelin që të ‘ndalojë menjëherë’ ofensivën e tij ushtarake në qytetin jugor.
GJND-ja me bazë në Hagë, urdhrat e së cilës janë ligjërisht të detyrueshme, por u mungojnë mekanizmat e zbatimit të drejtpërdrejtë, gjithashtu udhëzoi Izraelin të mbante të hapur kalimin Rafah midis Egjiptit dhe Gazës, të cilin Izraeli e mbylli përpara se të dërgonte trupa dhe tanke në qytetin e rrethuar.
Izraeli nuk dha asnjë tregues se po përgatitej të ndryshonte kursin në Rafah, duke këmbëngulur se gjykata e kishte gabuar.
Përkundër vendimit të GJND-së, Izraeli kreu sulme në Rripin e Gazës të shtunën në mëngjes, ndërsa luftimet u ndezën midis ushtrisë dhe krahut të armatosur të Hamasit.
