Helikopterët ushtarakë të Ukrainës në aksion, pamje nga sulmet ndaj objektivave ruse
Në videon e mëposhtme, shfaqet momenti kur helikopterët luftarakë ukrainas godasin objektivat rusë ndërsa avionët luftarakë mbrojnë qiejt.
Pamjet tregojnë helikopterët sulmues ukrainas duke marrë pjesë në operacionet luftarake në Ukrainë dhe duke neutralizuar objektivat ushtarake ruse.
Më pas, në video duken edhe avionët luftarakë të Ukrainës që patrullojnë qiellin mbi vend.
Pamjet janë shpërndarë të mërkurën nga Komanda e Forcave Ajrore të Forcave të Armatosura të Ukrainës.
Kujtojmë se, Rusia ka një nga forcat e armatosura më të mëdha dhe më të fuqishme në botë, por kjo nuk ka qenë e dukshme në pushtimin e saj fillestar të Ukrainës. Shumë analistë ushtarakë në Perëndim janë befasuar nga performanca e saj në fushë-betejë, dhe disa prej tyre atë e kanë përshkruar edhe si të mjerë.
Pra, çfarë ka shkuar keq? Për gabimet që ka bërë Rusia janë pyetur ushtarakë perëndimorë dhe zyrtarë të inteligjencës.
Sipas tyre, gabimi i parë i Rusisë ishte nënvlerësimi i forcës së rezistencës dhe aftësive të forcave më të vogla të armatosura të Ukrainës. Rusia ka një buxhet vjetor të mbrojtjes prej më shumë se 60 miliardë dollarë, krahasuar me shpenzimet e Ukrainës prej pak më shumë se 4 miliardë dollarë.
Në të njëjtën kohë, Rusia dhe shumë të tjerë duket se i kanë mbivlerësuar fuqitë e veta ushtarake. Presidenti Putin kishte nisur një program ambicioz modernizimi për ushtrinë e tij dhe ai gjithashtu mund të ketë besuar këtë më shumë dhe më shpejtë se sa duhet.
Në fillim të pushtimit, Rusia kishte një avantazh të qartë në ajër, me avionin luftarak që kishte lëvizur pranë kufirit, duke tejkaluar numrin e forcave ajrore të Ukrainës me më shumë se tre me një.
E ndërsa, shumica e analistëve ushtarakë supozuan se forca pushtuese do të fitonte shpejt epërsinë në ajër, nuk e bëri as atë. Mbrojtja ajrore e Ukrainës është ende efektive, duke kufizuar aftësinë e Rusisë për të manovruar, por sigurisht Ukraina u ndihmua edhe nga ShBA, Mbretëria e Bashkuar, Turqia e shumë vende të tjera./Nacionale/
