Harris do të kalojë ditën e fundit para zgjedhjeve në Pensilvani
Nënpresidentja Kamala Harris do ta kalojë ditën e sotme duke e përshkuar Pensilvaninë, për të bërë thirrjen e saj përfundimtare për votuesit e këtij shteti i cili pritet të përcaktojë fituesin, shkruan CNN.
Harris e nis ditën në Scranton, ku do të mbajë një fjalim dhe do të marrë pjesë në një fillim fushate.
Më pas ajo do të mbajë një tubim në Allentown, një qytet me shumicë latine, që fushata e saj theksoi se është shtëpia e 34,000 portorikanëve.
Pas ndalesës në Allentown, Harris do të shkojë në Reading, ku do të vizitojë një restorant portorikan bashkë me përfaqësuesen Alexandria Ocasio-Cortez dhe guvernatorin e Pensilvanisë, Josh Shapiro.
E shoqëruar nga bashkëshorti i saj, Doug Emhoff, Harris më pas shkon në perëndim në Pittsburgh, ku në mbrëmje do të mbajë një tubim dhe koncert. DJ D-Nice, Katy Perry dhe Andra Day pritet të performojnë.
Nënpresidentja e përfundon ditën në Filadelfia, të cilën fushata e saj e quajti vendlindjen e demokracisë amerikane. Në qytetin më të madh të shtetit, Harris do të mbajë një tubim dhe koncert në shkallët e famshme të "Rocky" në Muzeun e Arteve të Filadelfias.
DJ Cassidy, Fat Joe, Freeway dhe Just Blaze, Lady Gaga, DJ Jazzy Jeff, Ricky Martin, The Roots, Jazmine Sullivan dhe Adam Blackstone, si dhe Oprah Winfrey pritet të performojnë ose të mbajnë fjalime.
