Gjermania e “shqetësuar” për vizitën e Putinit në Bjellorusi

Gjermania është e “shqetësuar” për vizitën e sotme të presidentit rus Vladimir Putin në Bjellorusi, pra për mundësinë që bisedimet mes liderit rus dhe homologut të tij bjellorus, Aleksandër Lukashenko, mund të ndikojnë në rolin e Minskut në luftën në Ukrainë, tha zëdhënësi i qeverisë gjermane.

Zëdhënësi i qeverisë gjermane Steffen Hebestreit u tha gazetarëve se kancelari gjerman është "mirë e vetëdijshme" për vizitën e Putinit në Bjellorusi sot.

"Bjellorusia mund të rrisë ndihmën për ushtrinë ruse"

“Sigurisht, ne jemi të shqetësuar për pasojat e mundshme të asaj vizite, domethënë jemi të shqetësuar nëse roli i Bjellorusisë në agresionin rus kundër Ukrainës do të ndryshojë”, tha zëdhënësi, duke shtuar se “ekziston mundësia që Bjellorusia mund të të rrisë nivelin e ndihmës për ushtrinë ruse”.

“Por ne duhet të presim përfundimin e bisedimeve, nuk duhet të nxjerrim përfundime paraprakisht”, tha zëdhënësi i qeverisë gjermane. /Nacionale/