"Gati 30 mijë viktima ruse në luftimet për qytetin ukrainas Bakhmut"
Zyrtarët perëndimorë kanë thënë se janë vrarë dhe plagosur ndërmjet 20,000 deri 30,000 trupa ruse, gjatë luftimeve për qytetin ukrainas Bakhmut.
Ata kanë thënë se edhe pas më shumë se gjashtë muajsh luftimesh të tmerrshme, e ardhmja e Bakhmutit është ende e paqartë, me më shumë se 90% të popullsisë së larguar nga qyteti.
Më tej zyrtarët kanë shtuar se qyteti nuk ka ndonjë rëndësi strategjike dhe edhe nëse fitohet nga Moska, i bie që të ketë humbur shumë për të fituar pak.
Ndërkohë, zyrtarë nga Ukraina kanë thënë se beteja për Bakhmut ka qenë “një mundësi unike për të vrarë shumë rusë”.
Dihet se edhe ushtria e Ukrainës ka paguar gjithashtu një çmim të rëndë, megjithëse zyrtarët perëndimorë kanë kundërshtuar shifrat e dhëna nga ministri rus i mbrojtjes, Sergei Shoigu për mbi 11,000 trupa ukrainase të vrarë vetëm në shkurt.
"Indiferenca e regjimit të Kievit ndaj popullit të vet është befasuese,"- është shprehur Shoigu, megjithatë zyrtarët perëndimorë kanë thënë se ata "nuk i njohin" figurat e Shoigu, ndërsa besojnë se grupi mercenar Wagner, i cili ka udhëhequr përpjekjen e Rusisë për të kapur Bakhmutin, ka mungesë të fuqisë punëtore dhe pajisjeve.
Në të fundit në një seri të gjerë kundër ushtrisë ruse, shefi i Wagner-it, Yevgeny Prigozhin ka akuzuar ushtrinë ruse për dështimin në furnizimin e municioneve që i nevojiten Wagner-it për të marrë qytetin.
